Soms gebeur die mooiste dinge wanneer ’n mens dit die minste verwag.

​

Dit het alles begin met ’n eenvoudige boodskap op Instagram en ’n eerste koffie afspraak in Middelburg, tot die dae as bure op plase reg langs mekaar. Wat begin het as ’n speelse grap, het die werklikheid geword: ons het letterlik “oor die draad gevry”.

​

Tussen die veld, die sonsopkoms en die stilte van die plaas het ons liefde gegroei — rustig, eerlik en eg. Nou, ná al die jare, staan ons hier — verloof, verlief en vol opgewondenheid vir alles wat voorlê.

​

Ons is dankbaar vir elke stap wat ons hierheen gebring het, vir elke herinnering wat ons gedeel het, en vir ’n liefde wat van die begin af bestem was. Nou begin ons saam aan die mooiste hoofstuk van ons lewe skryf — hand aan hand, hart aan hart, gereed om vir altyd mekaar se tuiste te wees.